Қазақстанда ұлттық рейтингтік агенттік құрылады

Мәжіліс  «Рейтингтік қызмет туралы» заң жобасын бірінші оқылымда мақұлдады, деп хабарлайды Orda.kz.

Құжатта заң жобасын қабылдаудың мақсаты Қазақстандағы рейтингтік қызметтің құқықтық және институционалдық негіздерін реттеу, жергілікті рейтингтік қызметтер нарығын дамытуға жағдай жасау, рейтингтелетін тұлғалар мен кредиттік рейтингтерді пайдаланушылардың құқықтары мен заңды мүдделерін қорғау, сондай-ақ кредиттік рейтингтік агенттіктер қызметінің ашықтығы мен тәуелсіздігін қамтамасыз ету екені көрсетілген.

Сонымен бірге заң жобасы қаржы нарығы қатысушыларына қатысты қолданыстағы талаптарды рейтингтік агенттіктерге де таратуға, сондай-ақ банктер мен сақтандыру компанияларына рейтингтік агенттіктердің капиталына инвестиция салуға мүмкіндік беруді көздейді.

Рейтингілік бағалауға тапсырыс беретін компаниялардың өзі төлейді. Бұл тек несиелік рейтингтерге ғана қатысты емес — ESG-бағалаулар мен корпоративтік басқару рейтингтері де қолжетімді. Құн стандартты шығындар негізінде қалыптасады: аналитиктердің жұмысы, инфрақұрылым және деректер базаларына қолжетімділік. Сонымен қатар, ұлттық рейтинг агенттігін құру мұндай қызметтердің бағасын айтарлықтай төмендетуі тиіс.

Әбілқасымованың айтуынша, егер халықаралық агенттіктер қызметі 50 мың доллардан асып кетсе, Қазақстанда бір рейтинг үшін шамамен 5 млн теңгеге дейінгі баға көзделіп отыр. Нақты қаржы рейтинг түріне байланысты болады: несиелік рейтингтер әдетте қымбат, ал өзге түрлері — арзанырақ.

Оқи отырыңыз:

• Депутат тойдаға «үздік құда» марапаттарына қарсы шықты
• Депутат Мұрат Әбенов мас жүргізушілерді анықтау жүйесінде проблема барын айтты