Бақытжан Базарбек: Олигархтарға «сот төрелігі» ерекше

Мәжіліс отырысында депутат Бақытжан Базарбек соттарды су қоры жерлерін иеліктен шығару істерінде таңдаулы түрде, алалап қарайды деп айыптады, деп хабарлайды Orda.kz.      

Ол осыған орай  екі мысал келтірді:

• Қапшағай су қоймасы мен Іле өзенінің бір бөлігі заңсыз түрде ЖШС-ке өтіп кеткен. Оның бенефициарлары Іле ауданының бұрынғы әкімі Константин Логутовтың туыстары.
• Су қорғау аймағындағы тағы бір жер учаскесі мемлекетке қайтарылмаған, дегенмен соттар оны қайтаруы тиіс еді. Жауапкер ретінде «Forbes тізіміндегі №1 олигархтың туған әкесі»  көрсетілген.

Базарбек олигархтарға арналған «ерекше сот төрелігі» болмауы тиіс екенін айтып, Бас прокурорға жүгінді.

Еске салсақ, бұған дейін депутат Бақытжан Базарбек ішкі істер органдарында ауқымды «тазарту» жүргізу қажеттігін мәлімдеді. Оның айтуынша, әсіресе жолда заңды елемейтін «мажорлардың» мәселесі ушығып тұр.

Оқи отырыңыз:

• Неке бұзылған соң ортақ мүлік ана мен баланың келісімінсіз сатылмайды
• «Қорғаста» ҚҚС-тан босатылған 19 инвесторға екі жыл бойы заңсыз төлем есептелген
• Қостанайда тірі адамның қолына «қайтыс болғаны» туралы күәлігін ұстатқан