4 адам опат болды: Түркияда тағы да оқушы мектептегілерге оқ жаудырды

Түркияның Кахраманмараш қаласындағы мектепте қару ұстаған оқушы 4 адамды жайратып салды. Қаза тапқандардың бірі – мұғалім, қалған үшеуі – оқушылар. Сондай-ақ 20 адамның жараланғаны айтылды, деп хабарлайды Orda.kz MINVAL-ға сілтеме жасап. 

Оқиға Оникишубат ауданындағы Ayser Çalık Ortaokulu мектебінде болған. Оқу орны ғимаратында оқ атылған дыбыстар естілген.

Оқиға орнына жедел түрде полиция мен жедел жәрдем бригадалары жеткен. Провинция губернаторы Мюкеррем Үнлюэр мектепке шабуыл жасаған адам өз-өзіне қол жұмсағанын айтты. Ол 8-сынып оқушысы болған. 

Мектеп маңына ата-аналар мен мұғалімдер жиналған. Оқу орнының айналасы қоршауға алынып, қауіпсіздік шаралары күшейтілді.

Айта кетейік, кеше ғана Түркияның оңтүстігіндегі Шанлыурфа провинциясының Сиверек қаласында Анадолы кәсіптік-техникалық орта мектебіне қарулы шабуыл жасалған еді. 

Оқи отырыңыз:

• «Әндерді сатып алдым»: Композитор Қуат Әбіл пен әнші Баянсұлу арасындағы кикілжің оң шешімін тапты
• Тоқаев БҰҰ аясында Халықаралық су ұйымын құру жөніндегі бастаманы қолдады