Автомектептердің жартысынан көбі жабылып қалуы мүмкін

Мәжіліс мақұлдаған заң жобасы аясында автомектептерді міндетті түрде лицензиялау тәртібін қайта енгізу ұсынылды, деп хабарлайды Orda.kz.       

Қазіргі таңда елде 727 автомектеп жұмыс істейді. Олар лицензиясыз, хабарлама беру тәртібі негізінде қызмет көрсетеді. Яғни бұған дейін автомектеп ашу үшін арнайы рұқсат алудың қажеті болмаған. Ол үшін тек eGov порталы арқылы қызметтің басталғаны туралы хабарлама жіберу жеткілікті еді.

Мұндай жағдайда мемлекет оқу орнының материалдық-техникалық базасын, оқытушылар құрамын немесе оқу сапасын алдын ала тексермейді.

«Бақылаудың әлсіз болуы кейбір автомектептердегі жүргізушілерді даярлау сапасының төмендеуіне себеп болып отыр» ,— дейді автосарапшы Алексей Алексеев жағдайға қатысты. 

Сондай-ақ, азаматтардың мәліметтері ашық қолжетімділікте болған-болмағандығын тексере алатын ақпарат тізілімін құру жоспарлануда. Бұдан басқа, аса маңызды сандық инфрақұрылымды бақылауды ҰҚК-ге ішінара беру жоспарлануда, бұл киберқауіпсіздікті күшейтумен байланысты.

Жеке блок цифрландыруға қатысты. Атап айтқанда, камералар мен басқа да техникалық құралдардың жұмыс тәртібі нақтыланады. Сонымен қатар, жүргізушілердің медициналық мәліметтерін ІІМ базасына біріктіру жоспарлануда.

Біз бұған дейін ІІМ автомектептерде тексеріс жүргізіп, олқылықтар нәтижесінде 701 оқу тобы қызметін тоқтатқанын жаздық. Тексеру барысында автодромдарда жол белгілері, жол таңбалары мен жарықтандырудың жеткіліксіз екені, сондай-ақ кейбір көлік құралдарының ақауы бар екені анықталды. Сонымен қатар, жүргізушілерді даярлау үшін міндетті техникалық тексеруден өтпеген және сақтандыру полисі жоқ автокөлікті пайдаланған 59 оқу ұйымы анықталған.

Оқи отырыңыз:

• ІІМ автомектептерге тексеріс барысында 701 оқу тобы қызметін тоқтатты
• Алматыдағы арнайы ХҚКО басшысының орынбасары жазадан құтылды
• Қорғастағы 250 миллиард теңгелік әуежай құрылысынан шетелдік инвесторлар неге бас тартып жатыр?