ІІМ автомектептерге тексеріс барысында 701 оқу тобы қызметін тоқтатты

ІІМ автомектептерде тексеріс жүргізіп, олқылықтар тапты. Нәтижесінде оқу топтары жабылды, деп хабарлайды Orda.kz. 

Полиция дерегінше, қазіргі уақытта 727 автомектеп жүргізушілерді даярлайды. Тексеру барысында автодромдарда жол белгілері, жол таңбалары мен жарықтандырудың жеткіліксіз екені, сондай-ақ кейбір көлік құралдарының ақауы бар екені анықталды. Сонымен қатар, жүргізушілерді даярлау үшін міндетті техникалық тексеруден өтпеген және сақтандыру полисі жоқ автокөлікті пайдаланған 59 оқу ұйымы анықталған. ІІМ әкімшілік полиция комитеті автомектептердің 701 оқу тобының қызметін тоқтатқан. 

Сондай-ақ олардың қызметіне мемлекеттік бақылау тетіктерін енгізуді көздейтін «Жол жүрісі туралы» заңға өзгеріс енгізу жөнінде заң жобасы әзірленді. Қазіргі уақытта заң жобасы парламент мәжілісінде қаралуда.

Оқи отырыңыз:

• Рахат Тұрлыханов отбасылық жанжалға қатысты жазадан құтылды
• Көпмиллиардтық қаражатқа салынып жатқан Ертіс үстіндегі көпір тағы өртенді
• Тоқаев Израиль президентін Тәуелсіздік күнімен құттықтады