Австрияда балалар тағамына у қосқан адам ұсталды

Мәліметке сәйкес, ер адам 39 жаста, ол жалғыз әрекет еткен. Оның мақсаты ақша ғана болған. Ол немістің HiPP компаниясынан 2 млн еуро көлемінде криптовалюта талап еткен, деп хабарлайды Orda.kz.       

Қылмыскер супермаркеттен балалар тағамын сатып алып, оларға у қосып, қайтадан сөреге қойған. 

Тергеу 38 күнге созылған, тергеушілер тек Австрияда ғана емес, сонымен қатар Чехия мен Словакия елдерінде де жұмыс істеген. У қосылған бес қалбыр тәркіленді, олар түбіндегі ақ-қызыл жапсырма арқылы анықтаған. Қазір Австрияда алтыншы уланған банканы іздестіру жүріп жатыр.

Қылмыскерді супермаркеттердегі бейнебақылау камераларының жазбалары, сондай-ақ оның HiPP компаниясына жіберген электронды хаты арқылы анықтаған.

Қазіргі уақытта прокуратура ұсталған адамға қандай айып тағу керектігін шешуде, денсаулыққа ауыр зиян келтіруге әрекет жасау ма, әлде адам өлтіруге оқталу ма, сол жағын зерттеп жатыр.

Оқи отырыңыз:

• Астанада 20 жастағы жігіт тісін емдеймін деп барып, өмірінен айырылды
• Жұқпалы аурулар маманы: Екпе ауру қоздырады деген — қауесет
• «Kazakh Tazy» аясында ұлттық тұқымға қызығушылық артты