Астанада нәрестесін кәрізге ағызып жіберген 29 жастағы әйел ұсталды

Астана қаласында полиция қызметкерлері өліп қалған нәрестенің денесін кәріз құдығынан тауып алды. Осы оқиғаға күдікті ретінде 29 жастағы әйел ұсталды, деп хабарлайды Orda.kz.

Бұған дейін елорда тұрғындары әлеуметтік желілерде дабыл қаққан болатын. Олардың айтуынша, тұрғын үйлердің маңындағы кәрізден шала туған қыз баланың денесі табылған.

Тұрғындар бұл қылмысқа жақын маңдағы қонақүйдің келушілері қатысы болуы мүмкін екенін айтып, аталған нысанға бірнеше жылдан бері шу, төбелес және есірткі притоны болуы мүмкін деген күдікке байланысты шағымданып келген.

Астана қалалық полиция департаменті мәліметінше, күдікті анықталып, ұсталған.

«Аталған факті бойынша 29 жастағы әйел ұсталды. Сотқа дейінгі тергеу басталды»,  деп хабарлады ведомство.

Бұл резонансты жағдайдан кейін полиция көптен бері тұрғындарға қолайсыздық тудырып келген қонақүйге де назар аударды. Нысан иесіне ресми ескерту жасалды.

«Құқық бұзушылықтарға байланысты қонақүй иесіне қылмыстық және өзге де құқық бұзушылықтарға себеп болған жағдайларды жою туралы ұсыныс берілді», деп қосты полиция департаменті. 

Бүгін ғана екі зейнеткердің банк ғимаратына ішінде петардасы бар торт әкеліп, оны телефон алаяқтарының ықпалымен тұтатып, өздері өліп қала жаздағанын жаздық. 

Оқи отырыңыз:

• Павлодардағы банкте петарда жарған қарттардың халі қалай?
• Алматыда қызды аяусыз ұрып-соғып, видеоға түсіріп таратқан
• «Семей орманы» аумағындағы алапат өртті сөндіруге авиация тартылды