Алматыда қызды аяусыз ұрып-соғып, видеоға түсіріп таратқан

Әлеуметтік желілерде қызды қатыгездікпен ұрып-соғу сәті бейнеленген видео тарады. Кадрларда бірнеше қыз оны ұрып, шашын жұлып, оқиғаны камераға түсіріп тұрып, соққының астына алғаны  көрінеді, деп хабарлайды Orda.kz.

Ұрып-соққаны аздай, жазбаның әлеуметтік желіге тарап кеткені жұрттың жағасын ұстатып, ашуын келтірді. Жарияланған видеоға қарағанда, оны жанжалға қатысушылардың бірі музыка қосып тұрып, өзі жүктеген. Кейін аккаунт иесі видеоны өшіргенімен, арада біраз уақыт өткен соң оны басқа қолданушылар қайта тарата бастады.

Желі қолданушылары пікірлерде төбелеске қатысқан барлық қыздарды анықтап, кінәлілерді жауапкершілікке тартуды талап етті. Олардың бірі полицияға арыз жазғанын да айтқан.

Редакция оқиғаның нақты қай жерде болғанын, тіркелген-тіркелмегенін және тексеріс жүргізіліп жатқанын анықтау үшін полицияға сауал жолдаған. Осы мақала жарияланған сәтте ресми жауап алған жоқпыз.

Оқи отырыңыз:

• Кісі өлтіріп, зорлық жасағандарға көбіне қандай жаза беріледі?
• «Семей орманы» аумағындағы алапат өртті сөндіруге авиация тартылды
• 200 миллиард теңгенің темекі контрабандасын шетелден кіргізбекші болғандар ұсталды