Астанада балалар отырған аттракцион құлады, полиция тексеріп жатыр

Астананың Орталық саябағында ішінде балалар отырған аттракцион құлады. Бұл ақпаратты Нұра ауданы полиция департаменті растады, деп хабарлайды Orda.kz.      

25 сәуір кешінде болған оқиға туралы қала тұрғыны әлеуметтік желіде жазды. Оқиға кезінде аттракционда оның екі баласы болған. Әйелдің айтуынша, карусель бірнеше айналым жасап, кейін сынып, құлаған.

Полицияның мәліметінше, аттракцион операторы келушілер отырған кабина құлағанын өзі хабарлаған. Қазір құқық қорғау органдары тексеріс жүргізуде.

«Кабина аспалы құрылымның бекіткішінен ажырап кеткен. Тексеру қорытындысы бойынша материалдар тиісті уәкілетті органдарға жолданып, шара қабылдау және аттракциондардың қауіпсіздігін тексеру үшін беріледі» деп жазылған хабарламада. 

Оқи отырыңыз:

• Дер кезінде полиция шақырған балалар аналарын құтқарып қалды
• Алматыда аялдамада белгісіз адам зейнеткерді есінен танғанша ұрды
• Ерлі-зайыпты блогер Жанәбілевтерге сот үкімі шықты