Астанада әскерде қаза тапқан сарбаздардың ата-аналары митинг ұйымдастырды

Қазақстан армиясында қаза тапқан сарбаздардың ата-аналары Отан қорғаушылар күні митингіге шықты, деп хабарлайды Orda.kz.

Бауыржан Момышұлы саябағы маңындағы наразылық акциясына ұлдары бейбіт уақытта әскерде қаза тапқан төрт ата-ана шықты.

«Біз - Қазақстан Қарулы Күштері қатарында  қаза тапқан ұлдардың ата-аналарымыз. Біз Астанаға Отан қорғаушылар күніне арнайы келдік. Біздің балаларымыз Отанымызды қорғау үшін әскерге аттанды, бірақ ұлдарымыз бейбіт заманда қаза тапты. Біз әділеттілікті талап етеміз!» - деді қаза болған сарбаздың анасы Сәуле Тілеубергенова.

Ол ұлының Астанадағы Ұлттық ұланның казармасында ажал құшқанын айтады.

Сарбаздардың ата-аналары өздерінің ұлдары әскери бөлімдерде кісі қолынан қаза болғанын дәлелдейтін сараптамалары бар екенін, бірақ әскери-тергеу басқармасы суицид бабымен істі жаба салатынын айтады.

Наразылық акциясына Көкшетау мен Алматыдан қаза тапқан жауынгерлердің ата-аналары келді, сондай-ақ оларға Астанадан екі әскери қызметшінің ата-аналары қосылды.

Бұған дейін Orda.kz бейбіт уақытта елін қорғау үшін әскерге аттанған сарбаздардың қаза болғаны туралы бірқатар зерттеу мақалалар жазған болатын:

Бейбіт күнде әскерде қаза тапқан немесе мүгедек болған сарбаздардың оқиғаларын мына жерден оқыңыздар.

Біз Қазақстан әскерінің келбеті туралы офицердің сарбазды қорлап, кескілеп, пышақтап, тапаншамен атқаны туралы да жазғанбыз.

Жамбыл облысы Отар ауылындағы әскери бөлімде мерзімді қызметін өтеп жүріп, комаған түскен сарбаз Нұржігіт Әбділпаттаның ісі бойынша сот отырысы өтті.

Әскердегі сержанттың озбырлығы сау жігітті жындыханаға аттандырды.

Депутат Ермұрат Бәпи сарбаз Ербаян Мұхтардың жағдайы мен әскердегі мәселелерге тоқталып, әскер өз сарбаздарын мүгедек етуге мүдделі еместігін айтты.

Сарбаздарды ұрып-соғып,  темекі тұқылын жеуге мәжбүрлеген сержант неге түрмеден құтылып кетті?

«Әскердегі азап»: Сарбаз жансақтау бөлімінен жарымжан халде шықты.