Астанада «Әділет» партиясының құрылтай съезі өтті

 2026 жылғы 7 мамырда Астанада «Әділет» партиясының құрылтай съезі өтіп, онда партияны құру туралы шешім қабылданды, деп хабарлайды Orda.kz тілшісі.

Құрылтай съезінде «Әділет» партиясын құру туралы шешімді 931 делегат қолдап дауыс берді. Келесі мәселе ретінде съезд қатысушылары партияның атауын мемлекеттік, орыс және ағылшын тілдерінде бекітті.

Съезге Қазақстанның барлық өңірлерінен 1000-нан астам делегат қатысты. Іс-шара аясында партияның ресми қызметін бастау үшін қажетті шешім қабылдау жоспарланған. Атап айтқанда партияның жарғысы мен бағдарламасын бекіту, сондай-ақ басқарушы органдарын анықтау көзделген.

Жан-жақты жаңғырту бағытын қолдай отырып, «Әділет» партиясы елдің технологиялық, зияткерлік және институционалдық дербестігін қалыптастыруды көздейді.

2026 жылғы 15 сәуірде бастамашыл топ «Әділет» атты жаңа саяси партия құру ниетін ресми түрде жариялаған болатын.

Ал 2026 жылғы 16 сәуірде партияның ұйымдастыру комитеті Қазақстан Әділет министрлігінен жаңа саяси бірлестік құру туралы хабарламаның қабылданғанын растайтын құжат алғанын мәлімдеген.
 
Еске салсақ,  «Қазақтелеком» басшысы Бағдат Мусин «Әділет» жаңа партиясына кіргенін мәлімдеді. Оның айтуынша, оған инновациялар мен цифрландыру тақырыптары жақын, ал партияның құжаттарымен және бағдарламасымен танысқаннан кейін ол оның қызметіне қатысуға өтінім беруге шешім қабылдапты.
 

Оқи отырыңыз:

• Бағдат Мусин «Әділет» партиясына кірді, «Қазақтелеком» топ-менеджерлері сыйақыға қарық болды
• Қазақстанда жаңа партия құрылады
• Алматыда жаңа «Намыс» партиясының алғашқы съезі өтті