Алматыда жаңа «Намыс» партиясының алғашқы съезі өтті

Қонақтарды күтіп тұрған қоғам қайраткері Санжар Боқаев бейне үндеу түсіріп: «Бізге жаңа партия мен жаңа адамдар керек. Бізде бәрі тамаша болады!» деп күлімсіреп, маңызды оқиғаны күтіп тұрғанын айтты.

Кейбір деректерге қарағанда, съезде мыңға жуық адам жиналды. Жиналғандарға кештің қысқаша бағдарламасы ұсынылды. Боқаев ең алдымен адал, тәуелсіз және әділ сот жүйесін құрмақшы. Сонымен бірге құқық қорғау органдары мен Қарулы Күштер жүйесінде реформалар жасамақ. Оған қоса, әрине, сыбайлас жемқорлықпен ымырасыз соғыс жариялауға ниетті. Қоғам белсендісі өз сөзінде адамның құқықтары мен бостандықтары бірінші орында тұруы керектігін айтты.

— Бізде бәрі бар екенін түсінеміз, бірақ бізді ең бастысы – шындық жоқ. Билік көп жерде айла-шарғы жасап, алдап соғып жатыр. Ал біздің  бұған үйреніп кеткеніміз сонша, бәрі қалыпты жағдайға айналды. Біз еркіндігімізді жоғалттық, құқықтарымыз бен мүмкіндіктерімізден айрыла бастадық, - деді Боқаев.

Партияның күн тәртібінде тұрған негізгі кезеңдердің бірі – толық саяси трансформация. Яғни, жаңа партиялар, тәуелсіз сайлау жүйесі және қала әкімдерін жалпыға бірдей сайлау.

Боқаев сонымен қатар қазақстандықтар сапалы медициналық қызмет пен лайықты білім алуы керек деп санайды. Қазақстандықтардың бәсекеге қабілетті жалақысы, ал жастардың жұмыс істеу мүмкіндігі болуы керек деді.