Ақмола облысында алкоголь өнімдерін заңсыз сату фактісі анықталды

ҚМА Ақмола облысы бойынша департаменті мемлекеттік кірістер департаментімен бірлесіп жүргізілген жедел-іздестіру іс-шараларының нәтижесінде Ақмола және Солтүстік Қазақстан облыстарының аумағында тиісті құжаттарысыз қомақты көлемде алкоголь өнімін одан әрі өткізу мақсатында заңсыз тасымалдау және сақтау әрекеттерінің жолын кесті. Бұл туралы ҚМА-ның баспасөз қызметі хабарлады.

– Көкшетау және Петропавл қалаларының аумағында жүргізілген жедел-іздестіру іс-шараларының нәтижелері бойынша жалпы көлемі 9,5 тонна спирті бар сұйықтық, бос пластик ыдыстар, дайын алкоголь өнімі табылып, тәркіленді.Құрамында спирті бар сұйықтықтың жалпы құны 18,5 миллион теңгеден асады, – делінген хабарламада.

Айта кетейік, ҚР ҚПК 201 бабына сәйкес тергеу мүддесіндегі өзге де мәліметтер жария етілуге жатпайды.