Алматыны тағы да жаңбыр суы басып қалды, көшкін жүруі мүмкін

Алматыдағы үш күннен бері жауған жаңбыр қала тұрғындарына тағы да қолайсыздықтар тудыруда.  Қаланың кейбір  көшелерінде жаңбыр суының жиналуына байланысты көлік қозғалысы шектеліп, жиналған су сорғызылып жатыр.

Бұл туралы Orda.kz. хабарлады.

Өткен түндегі толассыз жауған жаңбыр суы басып қалған қала көшелерінің  видеожазбалары әлеуметтік желіде тарауда. Қатты жаңбыр салдарынан  Әл-Фараби мен Назарбаев даңғылдарының қиылысында жол айырығының туннель бөлігі су астында қалған.

Әкімдіктің хабарлауынша, бұл жерде электр қуаты жоқ болғандықтан, су жиналып қалған. Көпір астындағы су тартқыш құрал жарықтың болмауынан істен шығыуы мүмкін.

— Электр қуатының болмауына байланысты Әл-Фараби мен Назарбаев даңғылдарының қиылысындағы көпір астындағы сорғы іске қосылмай, су жиналды. Қазіргі уақытта аудандық коммуналдық қызметтер сол жерде жұмыс жасауда. 2 арнайы техника мен 6 мотор сорғысы іске қосылды, - деді әкімдік. 

Сонымен қатар, қала тұрғындары Алматының оңтүстік бөлігіндегі таулы аймақта түсірілген бейнежазбаларды да   жариялады. Куәгерлердің айтуынша,  қатты жаңбырдың салдарынан көшкін қаупі болуы мүмкін.

kris.p Алматы көшелеріндегі жағдай туралы бірнеше бейнажазба жариялады.