Алматылықтар әнші Қайрат Нұртасқа шағым түсірді

Алматы тұрғындары әнші Қайрат Нұртасқа шағым түсірді деп хабарлады Orda.kz.

Бұл жолы әнші Алматыдағы тұрғын үй кешендерінің біріндегі автотұрақта басқа адамдардың орындарын иемденіп алған.

Тұрғындар бірнеше күннен бері көліктерін өз орындарына тұраққа қоя алмай дал болып жүр. Олардың орындарын басқа көліктер алған.

Олар Қайрат Нұртас пен оның анасы Гүлзира Айдарбекованың көліктерін VIP нөмірлерінен бірден таныды.

Тұрғындардың айтуынша, мұндай жағдай бірінші рет болып тұрған жоқ.

Әлеуметтік желілерде әншінің жаңа Lexus LX 570 автокөлігін сатып алғаны қазірдің өзінде қызу талқыланып жатыр.