Алматыда өрт сөндіру қызметіне кедергі келтірген көліктер жаппай эвакуациялана бастады. Бейнежазба

Ләззат Нұрсапақызы
cover Фото: Әлеуметтік желіден

Алматыда өрт сөндіру техникасының жүруіне кедергі келтірген автокөліктерді эвакуациялау басталды. Көпқабатты тұрғын үйлердің аулаларында Төтенше жағдайлар департаменті мен полиция қызметкерлері бірлескен рейд жүргізді, деп хабарлайды Orda.kz.       

Тексеру барысында құтқарушылар өрт сөндіру көліктері мен басқа да арнайы техникалардың төтенше жағдай кезінде оқиға орнына жедел жетуіне кедергі келтіретін көліктерді анықтады. Полиция қызметкерлері тұрған орнында құқық бұзушыларға қатысты әкімшілік хаттамалар толтырды.

Қалалық Төтенше жағдайлар департаментінің мәліметінше, ескертулерден кейін көліктерін басқа жерге қоймаған иелердің машиналары айып тұрағына жеткізіледі.

«Өрт немесе басқа да төтенше жағдай кезінде әр минут маңызды. Ережені бұзып қойылған көлік құтқарушылардың дер кезінде келуіне кедергі жасап, ауыр салдарға әкелуі мүмкін», — деп атап өтті ведомство өкілдері. 

Бейнежазбаға қарағанда, патрульдік көліктер өрт сөндіру техникасы мен эвакуаторлардың соңынан ілесіп жүрген. Құтқарушылар аулалардағы жолдарды тексергеннен кейін, арнайы техникаға кедергі келтірген көлік иелеріне қатысты құқық бұзушылықтар рәсімделген. Кейбір жүргізушілер эвакуациядан құтылу үшін көліктерін өздері жылжытып, жолды босатқан.

ТЖД өрт немесе басқа да төтенше жағдайлар кезінде есеп минутқа созылуы мүмкін екенін еске салды. Дұрыс емес тұраққа қойылған автомобиль құтқарушылардың келуін кідірте алады, бұл ауыр зардаптарға әкеп соғуы мүмкін.

Еске салсақ, 2026 жылғы 25 сәуірден бастап Астанада ұсталған көлік құралдарын эвакуациялау және сақтау ақылы болатынын жазғанбыз. 2026 жылғы 19 наурызда қабылданған қалалық мәслихат шешімі қазіргі уақытта әділет органдарында тіркеуден өтіп жатыр. Қаланың көлік және жол-көлік инфрақұрылымын дамыту басқармасының мәліметінше, жақын күндері жүргізушілер эвакуатор шақыру ақысын да, арнайы тұрақта көлікті сақтау ақысын да төлеуге міндетті болады.

Оқи отырыңыз:


Жаңалықтар

барлық жаңалықтар

22.12.2020 жылы берілген
№KZ05VPY00030397 мерзімді баспасөз басылым және ақпараттық агенттік
тіркеу туралы куәлік.

© ORDA, . Пайдалану ережелері