Алматыда самокатшыларға қойылатын талаптар күшейтілді: Полиция қандай шешім қабылдады?

Алматыда полицейлер кикшеринг компаниялары өкілдерімен қаладағы электросамокаттарды пайдалану мәселесін талқылады, деп хабарлайды Orda.kz. 

Алматы қалалық полиция департаментінің мәліметінше, кездесу барысында электросамокаттарды дұрыс пайдалану және қолданушылардың тәртібі мәселелері көтерілген. Атап айтқанда, жол қозғалысы ережелерін бұзу жағдайлары, тротуармен жүру, жылдамдықты асыру және жаяу жүргіншілерге кедергі келтіретін әрі қауіп төндіретін ретсіз тұрақтар сөз болған. 

Алматы ПД бастығының орынбасары Ғалым Сарғұлов кешенді тәсілдің маңыздылығын және сервистер тарапынан жауапкершілікті арттыру қажеттігін атап өтті. Оның айтуынша, пайдаланушыларды бақылауды күшейту, технологияларды енгізу және құқық бұзушылықтардың алдын алу маңызды.

Кездесу қорытындысы бойынша тараптар өзара ынтымақтастықты күшейтіп, жолдағы қауіпсіздік пен мәдениетті арттыру үшін түсіндіру жұмыстарын жалғастыруға келісті.

Оқи отырыңыз:

• Ақтөбе облысында дрон құлап, құрғақ шөп өртке оранды
• Дәрігерлер өңешінде ине тұрып қалған сәбиге дер кезінде жәрдем берді