Алматыда крокус гүлдеп жатыр

Алматы қаласының қонақтары мен тұрғындары крокус гүлімен суретке түсу үшін Есентай өзенінің жанында жиналады, деп хабарлайды Orda.kz порталы.

Алматы әкімдігінің мәліметіне сүйенсек, былтыр күз мезгілінде 100 мыңнан астам көпжылдық гүлдер отырғызылған еді. Биыл көктемде ақ, көк және күлгін түсті крокустар гүлдеді.

«Крокустардың гүлденуімен Есентай өзенінің жағалауы түрлі түске боялды. Бұл гүлдер көктемнің хабаршылары, үміт пен қайта жаңғырудың символы. Қала тұрғындары мен қонақтары крокустарды тамашалауға келіп, ашық түсті гүлдердің фонында суретке түсіп, қуанышқа бөленіп жатыр» делінген хабарламада.