Магистратура бойынша грант иегерлерінің тізімі қашан шығады?

2026-2027 оқу жылына арналған магистратураның мемлекеттік білім беру гранттарын тағайындау жөніндегі Республикалық комиссияның отырысы өтті, деп хабарлайды Orda.kz.

Комиссия құрамына Ғылым және жоғары білім министрлігінің, мемлекеттік органдардың, білім саласы кәсіподақтарының, Қазақстан Ұлттық кәсіпкерлер палатасы мен қоғамдық ұйымдардың өкілдері кірді.

Отырыста магистратураға үміткерлердің өтініштері қаралып, гранттар қолданыстағы ережелерге сәйкес конкурс негізінде бөлінді.

Биыл конкурсқа қатысу үшін 23 мыңға жуық өтініш қабылданған. Бұл өткен жылмен салыстырғанда 3 мыңға көп.

Магистратураға түсушілер арасында ең көп сұранысқа ие бағыттар:

• «Педагогикалық ғылымдар»;
• «Ақпараттық-коммуникациялық технологиялар»;
• «Инженерлік, өңдеу және құрылыс салалары».

Грант тағайындау конкурсының нәтижелері 25 тамызға дейін Ғылым және жоғары білім министрлігі мен Ұлттық тестілеу орталығының ресми әлеуметтік желілерінде жарияланады.

Ал болашақ магистранттарды жоғары және жоғары оқу орнынан кейінгі білім беру ұйымдарына қабылдау 28 тамызға дейін жүргізіледі.

Оқи отырыңыз: 

Қыркүйекте Қазақстанда не өзгереді?: Қазақстандықтарды күтіп тұрған 7 жаңалық

Астанада 350 үлескер 5 жыл күткен баспанасына прокуратураның араласуымен ғана қол жеткізді