Қазақстанда демалыс күндері жаңбырлы болады

22–24 тамыз аралығында Қазақстанның көп бөлігінде жаңбыр жауып, найзағай ойнайды. Кей өңірлерде нөсер мен бұршақ болуы мүмкін, деп хабарлайды Orda.kz.

«Қазгидромет» алдағы үш күнге арналған ауа райы болжамын ұсынды. Синоптиктердің мәліметінше, ел аумағына солтүстік-батыс циклоны мен атмосфералық фронт әсер етеді. Соның салдарынан көптеген өңірде ауа райы құбылмалы болып, жаңбыр жауады. Жекелеген аудандарда жауын-шашын күшейіп, бұршақ түсуі ықтимал.

Батыс облыстарда антициклонның ықпалына байланысты жауын-шашын болмайды. Бұл өңірлерде күн ыстық болып, ауа температурасы +34 не 39 градусқа дейін көтеріледі.

Бұған дейін синоптиктер қыркүйек айына да болжам жасап, күздің алғашқы айында ауа райы негізінен климаттық нормаға жақын болатынын хабарлаған. Кейбір өңірлерде күн әдеттегіден жылы әрі жауын-шашынды болуы мүмкін. Сондай-ақ жекелеген облыстарда үсік жүруі ықтимал.

Оқи отырыңыз:

«Қалың мал бергенбіз»: Меркідегі 19 жастағы Мадинаның дүниесін қайын жұрты неге бермеді?

«Құрылтай» есімі сәнге айнала ма? Әзірге 10 адам бар