Қазақстандықтар Кореяға EPS арқылы қалай жұмысқа орналаса алады? Министірлік талаптарды түсіндірді

Қазақстан азаматтары Оңтүстік Кореяға EPS жүйесі арқылы жұмысқа орналаса алады. Министірлік талаптарды жариялады, үміткерлер корей тілінен тест тапсырып, кәсіби білімі мен тәжірибесі бойынша іріктеуден өтуі керек деп хабарлайды Orda.kz.

Еңбек және халықты әлеуметтік қорғау министрлігі Employment Permit System (EPS) жүйесі арқылы Қазақстан азаматтарын Корея Республикасында жұмысқа орналастыру үшін іріктеу тәртібін түсіндірді. Іріктеу Алматыда ашылатын EPS орталығында өтеді. Кандидаттар корей тілінен EPS-TOPIK тестін тапсырып, кәсіби білімі мен дағдылары бойынша бағаланады. Олардың білімі, еңбек өтілі және сертификаттары да ескеріледі.

Кімдер қатыса алады?

EPS бағдарламасына 18-ден 39 жасқа дейінгі азаматтар қатыса алады. Олар сотталмаған, Кореядан бұрын күштеп шығарылмаған және елге кіруге тыйым салынбаған болуы керек. Сондай-ақ шетелге шығуға шектеуі болмауы қажет.

Барлық кезеңнен өткен азаматтар ресми жұмыс іздеушілер тізіміне енгізіледі. Ол үшін жарамды төлқұжат пен медициналық тексеруден өту міндетті. Алайда тесттен өту жұмысқа кепілдік бермейді

EPS-TOPIK тестінен өтіп, кандидаттар тізіміне ену Кореяда жұмысқа орналасуға кепілдік бермейді. Соңғы таңдауды корейлік жұмыс беруші жасайды.

Кореяға қабылданатын қазақстандықтардың саны жыл сайын Корея тарапы белгілейтін квотаға байланысты. Жұмыс беруші таңдағаннан кейін азаматпен еңбек шарты жасалып, виза рәсімделеді. EPS арқылы Кореяда үш жылға дейін жұмыс істеуге болады. Заңда белгіленген жағдайларда мерзім тағы бір жыл он айға ұзартылуы мүмкін.

Еңбек министрлігі азаматтарды жеке делдалдарға ақша немесе құжат бермеуге шақырды. «Жұмысқа міндетті түрде орналастырамыз» деген уәделерге сенуге болмайды. Тіркеудің басталу күні мен EPS-TOPIK тестінің өткізілу тәртібі туралы ақпарат министрліктің ресми ресурстарында қосымша жарияланады.

Оқи отырыңыз:

Бүгін Құрылтай сайлауы алдындағы үгіт-насихат жұмыстары аяқталады: Ертең — «тыныштық күні»

Нақты жобалар 2030-2040 жылдарға қалады: Алматының Бас жоспары қашан бекітіледі?