Алматыда көкке шығып, серуендеуге лайық әрі таптырмас 5 орын

Алмалы қалаға көктем оралды. Демек, бұл алдағы уақытта жастар көкке шығып, көңіл көтереді дегенді білдіреді. Алайда қай жерлерге пикник жасауға болады?

Orda.kz Алматыдағы пикникке шығуға ыңғайлы орындармен бөліседі.

Бірінші президент атындағы саябақ

Бірінші президент саябағы Алматыдағы ең танымал және әмбебап орындардың бірі. Үлкен жасыл алаң, артында таулардың әдемі көрінісі. Адам көп келеді және кең болғандықтан, ыңғайсыздық болмайды. Мұнда көбіне жұптар, достар, отбасылар жиналады. Кешке қарай атмосферасы тіпті романтикалық сипатқа ұласады.

28 панфиловшылар саябағы

28 панфиловшылар бағы – ескі тарихи саябақ. Мұнда ағаштар көп, көлеңке жақсы — жазда салқын болады. Қасында Вознесенский соборы бар, сол себепті атмосферасы ерекше. Пикникке шығуға болады, бірақ көбіне тыныш отырып демалуға таптырмас орын.

Тереңқұр

Тереңқұр – табиғат аясында демалуға жақсы нұсқалардың бірі. Таудың ішінде, өзен бойымен ұзын жолы бар. Жолда отырып пикник жасауға болатын жерлер кездеседі. Ауа өте таза, шу жоқ, табиғи атмосфераны сезінесіз.

Үлкен Алматы көлі

Үлкен Алматы көлі – Қазақстандағы ең керемет орын. Өз сүйгеніңізбен баратын орындардың бірі. Алайда бұл жерге жету үшін көлік қажет. Пикникке баруға болады, бірақ бұл жер көбірек табиғатты тамашалауға арналған. 

Медеу шатқалы

Таудағы ғажайып көріністер. Өзен, таза ауа, ағаштар — бәрі бар. Жол бойында пикникке тоқтайтын жерлер көп. Достарыңызбен, жұбыңызбен тіпті алыстан келген туыстармен де барып Алматының табиғатын көрсете аласыз.

Оқи отырыңыз:

• «Мектепке шабуыл жасалады»: Түркияда күдікті хабарлама жазғандардың бәрі ұсталып жатыр
• Қасым-Жомарт Тоқаев Мұхтар Шахановтың қайтыс болуына байланысты көңіл айтты
• Мұхтар Шахановтың соңғы аманаты жарияланды