«Мектепке шабуыл жасалады»: Түркияда күдікті хабарлама жазғандардың бәрі ұсталып жатыр

Кахраманмараш пен Шанлыурфа қалаларындағы мектептерге жасалған шабуылдардан кейін әлеуметтік желілерде қорқыту сипатындағы жазбалар пайда болды. Түркияның құқық қорғау органдары осы бойынша ауқымды тексеру жүргізе бастады, деп хабарлайды Orda.kz ТRT Haber-ға сілтеме жасап. 

Стамбұл прокуратурасы мектептерге «шабуыл жасалады» деген мазмұндағы хабарламаларды таратқан аккаунттарға талдау жасалғанын мәлімдеді.

Осы дерек негізінде 25 күдіктіні ұстау туралы шешім қабылданған. Олардың 13-і – кәмелетке толмағандар. Күдіктілерге халық арасында қорқыныш пен үрей туғызу мақсатында қауіп төндіру, сондай-ақ өшпенділік пен араздық қоздыру баптары бойынша қылмыстық істер қозғалды.

Тергеу мәліметінше, күдіктілердің 20-сы Стамбұлдан тыс аймақтарда тұрады. Іс бойынша тергеу жалғасып жатыр.

Сонымен қатар, Кахраманмараштағы шабуыл жасаған адамның «тірі қалғаны» туралы қауесет жоққа шығарылды. 

Енді Түркия мектептердегі қарулы шабуылдардан кейін цифрлық қауіпсіздік шараларын күшейтпек. Нәтижесінде жалған ақпарат пен арандатушылық үшін 127 адам ұсталған.

Оқи отырыңыз:

• Түркиядағы мектепке қарулы шабуыл: 18 адам зардап шекті
• 4 адам опат болды: Түркияда тағы да оқушы мектептегілерге оқ жаудырды
• Қостанайда қайғылы жол апатынан 4 адам ажал құшты