Алматыда бір тәулік ішінде рекордтық жауын жауды
Фото: Алматы әкімдігі
Әкімдік таратқан мәліметке сәйкес, 10 мамыр сағат 11:00-ден 11 мамыр сағат 20:00-ге дейін мегаполисте 50,4 мм жауын-шашын түскен. Алматыда бір тәулікте айлық норманың жартысына жуығы жауды, деп хабарлайды Orda.kz.
Бұл мамыр айындағы орташа айлық норманың (99 мм) 51%-на тең. Коммуналдық инфрақұрылымды дамыту және тұрғын үй инспекциясы басқармасының мәліметінше, қалалық қызметтер жергілікті су басу жағдайларының алдын алу және оларды жою үшін күшейтілген режимде жұмыс істеп жатыр.
«Қолайсыз ауа райының ықтимал салдарына жедел әрекет ету үшін коммуналдық қызметтер күшейтілген жұмыс тәртібіне көшірілді», деп хабарлады әкімдік.
Салдарды жою жұмыстарына Алматының құтқару қызметтері тартылған. Олардың қарамағында ассенизаторлық техника мен 15 мотопомпа бар. Сонымен қатар, төтенше жағдайлар департаментінің 53 арнайы техникасы мен 240 қызметкері қатыстырылған.
Жалпы алғанда, қалалық инфрақұрылымның жұмысын қамтамасыз етуге 3 080 жол жұмысшысы мен 1 225 арнайы техника қатысып, жедел әрекет ету үшін 2 300 қап құм дайындалған.
Синоптиктердің болжамынша, 12 мамырда да Алматыда жаңбыр жауып, найзағай болады, жауын-шашын тек 13 мамырда тоқтайды. Тұрғындарға сақтық шараларын сақтап, ауа райы жағдайын ескеру ұсынылды.
Еске салайық, синоптиктер Қазақстанның әр өңірінде ауа-райы құбылып, кей өңірінде үсік жүріп, қатты жаңбыр, найзағай, екпінді жел және су басу қаупі туралы ескерту жасаған болатын.
Мамыр айының басындағы төпеп жауған нөсер жаңбыр Алматы қаласын әбден әбігерге салды. Оны тұрғындар әлеуметтік желіге салған бейнелер мен фотолардан көруге болады.
Толассыз жауған жаңбыр арықтардың толып кетуіне, көшелер мен жеке секторлардың су астында қалуына себеп болды. Алматылықтар әлеуметтік желілерде жауын салдарын көрсететін бейнероликтермен бөлісті.
Пікір жазғандардың бір бөлігі бұрынғы кәріз жүйесін еске алып, оның қазіргі жүйеге қарағанда табиғаттың тосын мінезіне жақсырақ төтеп бергенін жарыса жазды.
«Арық жүйесі өте мықты еді. Су қоймасынан арықтар арқылы бүкіл қалаға тарап, қайта оралатын. Оны қалайша осылай бетонмен жауып тастауға болады?)», деп жазды Threads желісінде itmaker101 есімді қолданушы.
Дәстүр бойынша, көпшілік су басқан аумақтарды Венеция қаласымен салыстыруда.
«Төле би көшесі – тұтас бір көлге айналған, жаяу жүру мүмкін емес» деп жазылған жазбалардың бірінде.
Пікірлерде тұрғындар арықтарға қоқыс тастайтын азаматтар мен оларды уақтылы тазаламайтын қала әкімдігін де сынға алды.
11 мамырға қараған түні Алматы әкімдігі коммуналдық қызметтердің күшейтілген режимге көшкенін хабарлады. Таңертең кейбір көшелерде электр жарығы өшкені белгілі болды.
Синоптиктердің болжамынша, қалада жауын-шашын 12 мамырдың түске дейін жалғасады. Жаңбыр, найзағай және секундына 15–20 метрге дейін жететін жел соғады деген ескерту бар.
Оқи отырыңыз:
Жаңалықтар
- Астанада іске қосылардан бұрын LRT жүйесінің қалай жұмыс істейтіні таныстырылды
- Қордайда полиция қызметкерлерін қорлаған адамға айыппұл салынды
- Кәрім Мәсімовтің бұрынғы күйеу баласы Азамат Қапенов қазақстандықтарға мәлімдеме арнады
- Каспий таязданды, итбалықтар қырылды. Себебі неде?
- Алматы хантавирус жұқтырудың ықтимал жағдайларына дайын — СЭБД
- «Қазмырыш» зауытындағы жарылыстан зардап шеккен адам ауруханада қайтыс болды
- Елдегі экономикалық қылмыс жасағандар «масқара тақтасына» ілінеді
- Құлауға шақ қалған мұнара: Самарқандтағы Ұлықбек медресесін қазақтар бұзған ба?
- НАТО-ның экс-бас хатшысы АҚШ-сыз жаңа демократиялық одақ құруға шақырды
- Шамалғандағы мектепте жасөспірім мұғалімді ұрып тастады
- Шымкентте колонияда жатып бюджеттен 1,3 миллиард қаражат жымқырған әйел әшкере болды
- 2027 жылы Астанада үстел теннисінен Әлем чемпионаты өтеді
- Ким Чен Ын өзі қайтыс болған жағдайда ядролық соққы жасауды заңдастырды
- Көкшетауда көлікпен әйелді жаншып өткен оқиғаға қатысты екі қылмыстық іс қозғалды
- Алматыда бір тәулік ішінде рекордтық жауын жауды
- Тоқаев: Ядролық қарусыздану мен жаппай қырып-жоятын қаруды таратпауда күш біріктіру маңызды
- ҚР СІМ: Түркияда қазақ тапқан велосипедші Қырғызстан азаматы
- Нетаньяху Ормуз бұғазы жағдайын дұрыс бағаламағандарын мойындады
- Францияда хантавирус індетін жұқтырған алғашқы жағдай белгілі болды
- Түркияда велосипед мінген қазақстандықты такси қағып, қаза тапты
