Алматы әуежайында 11 келі гашиш майы тәркіленді

Бангкок–Алматы рейсімен келген 20 жастағы шетел азаматы гашишпен ұсталды, деп хабарлайды Orda.kz.      

Алматыда полиция Таиландтан Қазақстанға гашиш әкелуге әрекеттенген адамды ұстады.
Ол Бангкок-Алматы рейсімен ұшып келді, тексеру кезінде қауіпті жүк табылды.

Жеке тексеру кезінде одан жалпы салмағы 11 келі болатын гашиш майы салынған 12 ыдыс табылған.

«Жақын шетелдің 20 жасар азаматы ұсталды. Жеке тексеру кезінде одан жалпы салмағы 11 келіге жуық гашиш майы бар 12 пластик ыдыс тәркіленді. Аталған факті бойынша Қазақстан Республикасы Қылмыстық кодексінің 286-бабы бойынша қылмыстық іс қозғалды»,  деп хабарлады ІІМ. 

Ер адам изоляторға қамалып, 20 жылға дейін жазаланады немесе мүлкі тәркіленіп, өмір бойы бас бостандығынан айырылады.

2026 жылдың басынан бері полицейлер Қазақстан аумағына 57 есірткі фактісінің алдын алды.

Аталған дерек бойынша қылмыстық іс қозғалды. Күдікті уақытша ұстау изоляторына қамалды.

Оқи отырыңыз:

• Алматы әуежайы нөсерге шыдас бермей, шатыры шытынап, тағы да су басты
• Алматыда жастар пышақтасып, екі жасөспірім қаза тапты
• Астанада жаңа AI Research University ашылады: Болашақта ЖИ үлесі арта түседі