Алматыда қаза болған полицейлерге ескерткіш орнатылды

Қайтыс болған полицейлерге арналған ескерткіш Әуезов ауданының Полиция департаменті аумағында  орнатылды, деп хабарлайды Orda.kz  Алматы қаласы ПД баспасөз қызметіне сілтеме жасап.

Ескерткіштің ашылу салтанатына қалалық полиция бөлімінің басшылығы, ардагерлер, полиция қызметкерлері қатысты.

— Тәуелсіздік жылдарында Алматы полициясының 70 қызметкері қызметтік міндеттерін орындау кезінде қаза тапты, олардың 32 -сі қылмыспен бітіспес күрес барысында көз жұмды. Бесеуі дәл осы Әуезов аудандық полиция бөлімінде қызмет етті. Батырлардың есімдері біздің жүрегімізде және жадымызда мәңгі сақталады, - деді Алматы қаласы ПД басшысы Қанат Таймерденов.