Алматыда 17 сәуірден бастап кинотеатрлар жұмыс істейді

Алматыда Ashyq жобасы бойынша 17 сәуірден бастап кинотеатрлар өз жұмысын бастайды. Бұл туралы қалалық санитарлық-эпидемиологиялық бақылау басқармасы басшысының орынбасары Садуақас Байғабылов айтты, деп хабарлады Orda.kz.

Садуақас Байғабылов кинотеатрға келушілердің QR-кодын сканерлеу касса аумағына кіре берісте жүзеге асырылатынын айтты.

Егер «қызыл» немесе «сары» мәртебе табылса, алдын-ала сатып алынған билет қайтарылады.

– Кинотеатрларда бес жасқа дейінгі балалар QR кодын сканерлеуден босатылады, яғни олар үшін жасыл дәліз бар. Болашақта балалар арасында COVID-19 аурушаңдығын ескере отырып, жас мөлшерін қайта қарастырамыз, - деп түсіндірді Байғабылов.