Алматы көшесінде гранат ұстап жүрген ер адам ұсталды

Алматыдағы Райымбек даңғылында тәртіп сақшылары күдік тудырған ер адамды ұстады. Қалалық полиция департаментінің мәліметінше, оның қол сөмкесінен пышақ пен гранатқа ұқсас зат табылған, деп хабарлайды Orda.kz.       

Оқиға орнына жедел-тергеу тобы мен саперлер шақырылды. Тексеру барысында табылған гранаттың оқу-жаттығу мақсатындағы екені анықталып, ешқандай қауіп төндірмейтіні белгілі болды.

«Ұсталған адамның айтуынша, аталған заттарды ол бұрын тауып алған, ал пышақты тұрмыстық қажеттілік үшін өзімен бірге алып жүрген. Бұл ақпарат тексерілуде»,  деп хабарлады полиция. 

Қазір оның сөздері тексеріліп жатыр.

Сондай-ақ ер адамның бұған дейін қылмыстық жауапкершілікке тартылғаны анықталған. Алматы полициясы азаматтарды өзімен бірге қауіпті заттарды алып жүрмеуге және қару-жарақ немесе оқ-дәріге ұқсас күмәнді заттарды байқаса, бірден 102 нөміріне хабарлауға шақырды.

Оқи отырыңыз:

• Адвокат әділетсіз сот шешімдері бойынша істерді Тоқаевқа жолдамақшы
• Алматы полициясы 12 жастағы баланың өліміне қатысты тергеу барысы туралы мәлімет берді
• 686 камера «көрмей қалған» қылмыс: Заречный түрмесіндегі айыпталушылар жалған қолтаңба мен қысым жайлы айтты