Алик Шпекбаев енді сыбайлас жемқорлықпен күреспейді

Алик Шпекбаев ҚР Сыбайлас жемқорлыққа қарсы іс-қимыл агенттігінің төрағасы қызметінен босатылды.

Бұл туралы Orda.kz хабарлады.

– Мемлекет басшысының Жарлығымен Шпекбаев Алик Жаткамбайұлы ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) төрағасы қызметінен босатылды, - делінген Ақорда сайтында.

Шпекбаев 2017 жылдан бастап сыбайлас жемқорлыққа қарсы іс-қимыл департаментін басқарды. Оның орнына Марат Ахметжанов тағайындалды.

Марат Ахметжанов жаңа тағайындауға дейін Бас прокурордың орынбасары болған.

• 1993-1996 жылдары - Бас прокуратураның жанындағы сыбайлас жемқорлыққа қарсы іс-қимыл жөніндегі арнайы прокуратураның ерекше маңызды істер жөніндегі аға тергеушісі, Бас прокуратураның ерекше қауіпті қылмыстарды тергеу жөніндегі басқармасы аймақтық тергеушілер бөлімінің бастығы.
• 1996-1997 жылдары - Мемлекеттік тергеу комитетінің ерекше қауіпті қылмыстарды тергеу бөлімінің бастығы, Мемлекеттік тергеу комитеті әскери тергеу басқармасы тергеу бөлімінің бастығы.
• 1997-1998 - Ішкі істер министрлігі Әскери тергеу басқармасы тергеу бөлімінің бастығы.
• 1998-2001 жылдары - Әділет министрлігі Тергеу департаменті директорының орынбасары және Сот шешімдерін орындау комитеті төрағасының орынбасары.
• 2001 жылы - Бас прокуратураның тергеу және анықтау органдарындағы заңдылықты қадағалау бөлімінің бастығы.
• 2003 жылдан 2006 жылға дейін - Павлодар облысының прокуроры.
• 2006-2009 жылдары - Оңтүстік Қазақстан облысының прокуроры.
• 2009-2012 жылдары - Бас прокуратураның құқықтық статистика және арнайы есепке алу жөніндегі комитетінің төрағасы.
• 2012 жылы - Қазақстан Республикасы Экономикалық қылмысқа және сыбайлас жемқорлыққа қарсы күрес агенттігі төрағасының орынбасары.
• 2014-2016 жылдары - Атырау облысы бойынша мемлекеттік қызмет істері және сыбайлас жемқорлыққа қарсы іс-қимыл департаментінің бастығы, сыбайлас жемқорлыққа қарсы іс-қимыл ұлттық бюросының Атырау облысы бойынша департаментінің бастығы.
• 2016 жылдың 2 маусымынан бастап Қазақстан Бас Прокурорының орынбасары болып жұмыс істеді.