Александр Лукашенко Беларусь «соғысқа дайын» екенін айтты

Беларусь президенті Александр Лукашенко Қарулы күштерге жүргізілген кешенді тексерудің қорытындысы бойынша республика соғысты қаламайтынын, бірақ оған дайындалып жатқанын айтты, деп хабарлайды Orda.kz.      

Беларусь басшысы негізгі міндет – толық жауынгерлік дайындыққа келтірілген бөлімдердің соғыс жағдайында қалай әрекет ететінін тексеру болғанын атап өтті, деп жазды жергілікті БелТА агенттігі.

«Бейбіт уақыт деген болмайды. Біз соғысқа дайынбыз. Сол үшін Қарулы күштерді құрдық, сол үшін оларды ұстап отырмыз, сол үшін халық қаражат бөледі – бізді қорғау үшін. Осы аудиториядағы және тек осы жерде ғана емес, барлық адамдар мынаны түсінуі керек: біз соғысқа мүлдем қарсымыз. Әсіресе біздің офицерлеріміз, сарбаздарымыз, Қарулы күштеріміз. Өйткені біз соғыстың не екенін білеміз. Біз соғысты қаламаймыз, бірақ армия соған арналған. Егер біреу бізге қару кезеп сөйлескісі келсе, біз жауап береміз. Біз соған дайындалып жатырмыз», – деді Александр Лукашенко. 

Кеңес қатысушыларына жүгінген президент тексеру қорытындылары бойынша ешнәрсені жасырмай, барынша ашық әңгіме жүргізуді ұсынды.

Еске салсақ, былтыр Time журналына берген сұхбатында Беларусь президенті Александр Лукашенко келесі президенттік сайлауға қатысу ниеті жоқ екенін, ұлын да сайлауға қатыстырмайтынын мәлімдеген болатын. 

Оқи отырыңыз:

• Лукашенко жаңа президенттік мерзімге кандидатурасын ұсынбайды, ұлын да мұрагер етпейді
• Лукашенко шенеуніктерге «нақсүйерлерін» өз есебінен ұстауды ұсынды
• Лукашенко өз меншігіне қатысты түсірілген Nexta фильмі туралы пікір білдірді