Лукашенко шенеуніктерге «нақсүйерлерін» өз есебінен ұстауды ұсынды

Беларусь Президенті Александр Лукашенко кеңесте шенеуніктерді ашыналарына бюджет қаражатын емес, өз ақшасын жұмсауға шақырды, деп хабарлайды Orda.kz РБК-ға сілтеме жасай отырып.

Беларусь басшысы дене шынықтыру және спорт ұйымдарына қолдау көрсету мәселесі жөнінде кеңес өткізді. Іс-шарада ол елімізде спортты дамытуға бөлінген қаражатты тиімді жұмсау қажеттігін мәлімдеді.

«Еркекше айтқым келеді, туысқандарыңызды, жақындарыыңызды, нақсүйерлеріңізді, тағы біреулеріңізді... өз ақшаңызға асыраңыз. Қаражатты қалаған жерден табыңыздар», - деп мәлімдеді Лукашенко.

Беларусь басшысының айтуынша, мемлекет ақшасының шын мәнінде қайда кетіп жатқанын қадағалаудың қиындығы жоқ.

Басылымның хабарлауынша, өткен жылдың соңында ол республиканың жаңа мәдениет министрі Руслан Чернецкийге мәдениет саласында тәртіп орнатуды тапсырды.

«Руслан, сенде басқа жол жоқ, өл-тіріл осы салада тәртіп орнат», деп деді Беларусь президенті. 

Сонымен қатар, ол бұрынғы министр Анатолий Маркевичтің кетуі оның өз жұмысын атқара алмауына байланысты емес екенін, экс-министрді Лукашенко «басқа саладан келген адам» ретінде оған «өте ауыр» болғанын айтты.