Ақтөбедегі көлік өртеніп, үш адам қаза тапқан оқиғаға қатысты газ құю бекетінің иесі ұсталды

Ақтөбе қаласында газ құю бекетінде болған қайғылы оқиға салдарынан үш адам өртенген көлік ішінде тірідей жанып кетті. Көлік ішінде әйел адам мен екі бала болған. Тағы бір адам ауыр жағдайда ауруханаға жеткізілген, деп хабарлайды Orda.kz.       

Оқиға 19 маусымға қараған түні болған. Алдын ала мәлімет бойынша, адамдар отырған көлік газ құю бекетінің аумағында кенеттен өртеніп кеткен. Өрт сөндірушілер жалынды ауыздықтау кезінде көлік салонынан үш адамның мәйітін тапқан. Қаза болғандардың екеуі – кәмелетке толмаған балалар.

Тағы бір зардап шеккен адам тірі қалған. Дәрігерлердің айтуынша, оның денесінің жоғарғы бөлігі қатты күйіп қалған. Қазіргі уақытта ол жансақтау бөлімінде жатыр.

Қазіргі уақытта құқық қорғау органдары оқиғаның нақты себептері мен мән-жайларын анықтауда. Ақтөбе облыстық полиция департаментінің мәліметінше, бұл істің тергелуі ведомство басшылығының ерекше бақылауына алынған.

Бұл қайғылы жағдай қауіпсіздік талаптарын сақтаудың маңыздылығын тағы бір мәрте көрсетіп отыр. Құзырлы органдар мұндай оқиғалардың алдын алу үшін тиісті шараларды күшейту қажеттігін атап өтті.

Оқи отырыңыз:

• Ақтөбеде автогаз құю бекетінде көлік өртеніп, екі жасөспірім мен бір ересек адам тірідей жанып кетті
• Гашиш контрабандасымен айналысып, қашып жүрген әйел Қырғызстаннан экстрадицияланды
• Ақтөбе облысының тұрғыны сарайынан бірнеше артиллериялық снаряд тауып алды