Қарасай ауданында «Мұғалімдерді мәжбүрлі еңбекке тартты» деген ақпарат расталмады

Алматы облысы Қарасай ауданындағы Жібек жолы ауылының жаңа қазақ орта мектебінде тексеру жүргізіліп, «Мұғалімдерді мәжбүрлі еңбекке тартты деген ақпарат расталмады, деп хабарлайды Orda.kz.

Әлеуметтік желіде тараған видеоға қатысты аудандық білім бөлімі мәлімдеме берді. Ведомствоның мәліметінше, тексеру барысында педагогтерді өздерінің лауазымдық міндеттерінен тыс жұмыстарға күштеп тарту немесе олардың келісімінсіз еңбекке жегу фактілері анықталмаған.

Осыған байланысты мектептің 25 мұғалімі арасында жасырын сауалнама жүргізілген. Оның қорытындысы бойынша еңбек заңнамасының бұзылғаны расталмады.

«Видеода көрсетілген жұмыстар 2026 жылғы 26–29 мамыр аралығында ауыл тұрғыны Ж. Мейірмановтың демеушілік көмегі аясында атқарылған. Осы кезеңде мектептің спорт залында жылыту радиаторларына қорғаныш торларын орнату жұмыстары жүргізілді. Жұмыстарды орындауға арнайы дәнекерлеушілер тартылған. Ресми мәлімет бойынша, білім беру процесіне кедергі келтірілген жоқ және педагогтердің еңбек құқықтары бұзылмады» деп жазылған білім бөлімінің түсіндірмесінде.

Сонымен қатар, видеода көрсетілген мұғалімнің мектепке 2025 жылғы 5 қыркүйектегі №171 бұйрық негізінде осы міндетті қоса  атқарушы ретінде жұмысқа қабылданғаны белгілі болды. Кейін 2026 жылғы 26 мамырдағы №103 бұйрықпен еңбек шарты тоқтатылған екен. 

Оқи отырыңыз:

Арыстанбек Мұхамедиұлымен байланысы бар 1,3 млрд теңгелік актив «Қазақ энциклопедиясы» мемлекетке қайтарылды

Тоқаев бірқатар Конституциялық заңға қол қойды

«Домбыра харам» деген ақтөбелік «ұстаз» 3,5 жылға сотталды