АҚШ-та ЖИ арқылы қатерлі ісікті анықтау жүйесін әзірлеген қазақ баласы марапатталды

АҚШ-тың Финикс қаласында Regeneron ISEF 2026 дүниежүзілік ғылыми-инженерлік көрмесі аяқталды. Оның қорытындысы бойынша жасанды интеллект арқылы қатерлі ісікті анықтау жүйесін әзірлеген қазақстандық оқушы марапатталды, деп хабарлайды Orda.kz.       

Биыл әлемдегі ең беделді ғылыми байқаулардың біріне 60-тан астам елден шамамен 1700 жас зерттеуші қатысты. Қазақстан атынан халықаралық додаға бес ғылыми жобамен жеті оқушы қатысты.

Байқау қорытындысы бойынша Тараз қаласының 11-сынып оқушысы Арнұр Артықбай «Машиналық оқыту негізінде қатерлі ісіктерді автоматты түрде анықтау жүйесі» жобасы үшін MAWHIBA қорының ақшалай сыйлығына ие болды. 

Арнұр Артықбай  машиналық оқытуға негізделген қатерлі ісікті автоматты түрде анықтау жүйесін жасады. Жоба онкологиялық ауруларды ертерек және дәлірек диагностикалауға бағытталған.

Арнұр Артықбай өз жұмысы үшін MAWHIBA қорынан 400 доллар сыйақы, сондай-ақ Сауд Арабиясындағы Король Фахд атындағы мұнай және минералдар университетінің білім беру грантын алды.

Regeneron ISEF орта мектеп ғылымы мен инженерлік жобаларына арналған әлемдегі ең ірі платформалардың бірі болып саналады. Байқауды халықаралық ұйымдар мен ірі технологиялық компаниялар қолдайды. Қазақстан 1999 жылдан бері ұлттық серіктес ретінде қатысып келеді.

Оқи отырыңыз:

• Алматыда «Абай ұлттық мектебі» жаңа кампусы таныстырылды
• Елімізде жусаннан болатын аллергияға қарсы дәрі жасалды
• Алматыда қаланың бас жоспары мен тұрғындар мүддесі сай келмей жатыр