Алматыда «Абай ұлттық мектебі» жаңа кампусы таныстырылды

Салтанатты рәсімге Сенат төрағасы Мәулен Әшімбаев, oқу-ағарту министрі Жұлдыз Сүлейменова, педагогика ардагерлері, белгілі ғалымдар, мегаполис әкімдігінің басшылығы, мектеп мұғалімдері мен оқушылары қатысты, деп хабарлайды Orda.kz.       

Мемлекет басшысы Қасым-Жомарт Кемелұлы Тоқаев елдегі білім сапасын арттыруға айрықша көңіл бөліп келеді. Соңғы жылдары осы бағытта жүйелі өзгерістер жүзеге асырылуда. Президент тапсырмасымен салынған «Абай ұлттық мектебі» жаңа кампусының таныстырылуы — сол кешенді жұмыстың нәтижесі.

«Бүгін біз осы игі бастаманың жүзеге асқанына куә болып отырмыз. Өйткені мектеп — жай ғана ғимарат емес. Ол — ұлт болашағын қалыптастыратын орта. Қазіргі заманда басты капитал — білім, ғылым және интеллект. Ал «Абай ұлттық мектебі» секілді жобалар — еліміздің интеллектуалдық болашағына салынған инвестиция», — деді cенат төрағасы мектеп ұстаздары мен оқушыларымен кездесу барысында.

Палата Төрағасы дарынды балаларға арналған бұл республикалық мектеп мемлекет басшысының еліміздегі білім деңгейін арттырудағы басымдығын көрсететінін атап өтті. Ол зияткерлік жастарды тәрбиелеуге бағытталған және ұлы ақынның және ойшылдың мұрасын зерделеудің тірек орталығына айналады.

Ол «Абай ұлттық мектебі» жаңа кампусы — бұл Абайдың «Толық адам» философиясы мен мемлекет басшысының «Адал азамат» тұжырымдамасына сәйкес ұлттық құндылықтар рухында тәрбиеленген патриоттардың жаңа буынын қалыптастыру жолындағы маңызды қадам екенін атап өтті.

Сонымен қатар  Алматыда «Талдау мектебі. Алматы» атты кезекті өңірлік жоба да таныстырылды.

Мәулен Әшімбаев қатысушылар алдында «Алматы — Орталық Азияның өңірлік хабы: тұрақты даму үшін деректер мен талдау» тақырыбында дәріс оқыды.

Сенаттың баспасөз қызметі хабарлағандай, қатысушыларды іріктеу бірнеше кезең болып,  кәсіби құзыреттілікті, талдамалық ойлау мен ынталандыруды бағалауды қамтыды. Сегіз апта бойы курстың және практикалық семинар лекторлары ретінде өз салаларында мол тәжірибесі бар белгілі халықаралық және қазақстандық сарапшылар сабақ оқыды.

Оқи отырыңыз:

• Елімізде жусаннан болатын аллергияға қарсы дәрі жасалды
• ДДСҰ Африка елдеріндегі эбола індетін халықаралық маңызы бар төтенше жағдай деп жариялады
• Алматыда қаланың бас жоспары мен тұрғындар мүддесі сай келмей жатыр