Ақнәр Гүлістан мен Алматыдағы екі жігіттің өлімі қалай тергеліп жатыр?

Ішкі істер министрлігі жақында ғана Алматыда болған екі жігіттің өлімі мен өткен жылдан бері тергеліп келе жатқан Ақнәр Гүлстанның ісі бойынша ақпарат берді, деп хабарлайды Orda.kz.

IIM-нің орынбасары Санжар Әділов екі резонансты оқиғаға қатысты тергеудің қалай жүріп жатқаны туралы пікір білдірді. Ведомствоның мәліметінше, жақында ғана Алматыда болған төбелес салдарынан қаза тапқан 17-18 жастағы жігіттердің өліміне қатысты  негізгі күдіктілердің  қамауға алынғанын айтты.

«Өткен аптада Алматыға барып, істің қалай жүріп жатқанын тыңдадым. Біз жәбірленушілермен байланыстамыз. Барлық уәждер қосымша тергеу аясында тексеріліп жатыр. Қазіргі уақытта жәбірленуші тарап келтірген уәждер қосымша тексеріліп жатыр. Аталған дерек бойынша 17–18 жас аралығындағы 12 күдікті ұсталды. Төбелеске байланысты үш бап бойынша қылмыстық іс қозғалды. Оның ішінде адам өлтіру және бұзақылық бар. Қазіргі уақытта қажетті тергеу әрекеттері жүргізілуде», – деді министрдің орынбасары.

Сонымен қатар, Ақнар Гүлстан ісі бойынша арнайы тергеу-жедел тобы құрылғанын, топ Алматы қаласында жұмыс істеп жатқанын әрі министрлік жәбірленуші тараппен тұрақты байланыста екенін айтты. 

«Бұл іс бойынша тергеу-жедел тобы құрылды. Олар Алматы қаласында жұмыс істеуде. Біз жәбірленуші тараппен үнемі байланыстамыз. Қазіргі таңда қажетті тергеу амалдары жүргізіліп жатыр», – деді Әділов.

Еске сала кетейік, 22 жастағы Ақнар Гүлстанның Алматыдағы Amir тұрғын үй кешенінің жетінші қабатынан құлап қаза тапқанын жазған едік.  Марқұмның жақындары оның өз-өзіне қол жұмсағаны туралы нұсқамен келіспей, істі жан-жақты әрі әділ тергеуді талап етуде. 

Оқи отырыңыз:

• «Ақнәр Гүлістанды зорламақ болды»: Іске қатысты тың деректер шықты
• Ақнар Гүлістан ісі: Ішкі істер министрлігі үнсіз қалмады
• «Уыс-уыс шаш, жұлынған тырнақ»: Ақнәрдің өлімін полиция жылы жаба салмақ па?