«Челси» қазақстандық футболшыға рекордтық 4,3 миллион еуро төлейді

16 жасар «Қайрат» шабуылшысы Дастан Сәтбаев Лондонның клубына ауысатын болды, деп хабарлайды Orda.kz.

Бұл туралы спорт журналисі Иван Карпов айтып өтті.

«Сәтбаевқа көптеген клубтар қызығушылық танытты, олардың арасында «Зальцбург», «Байер», «Бенфика» және «Реал Сосьедад» бар. Алайда «Челси» Дастанның командада ойнауын ең көп қалап, барлық клубтардан көбірек ықпал көрсетті» деп жазды Карпов өзінің телеграм-арнасында.

Кейін бұл ақпаратты әлемдік футболдың басты инсайдері Фабрицио Романо растады.

Лондондық клуб Сәтбаевпен бес жылдық келісімшартқа отырды, ол ойыншы 18 жасқа толған кезде күшіне енеді. 2,4 миллион еуро — тұрақты төлем, қалғаны — ойындар үшін бонус.

Бұл мәміле отандық футбол тарихындағы рекордты қаражат деп аталды. Бұрынғы рекорд 2022 жылы «Қайрат» клубынан «Зенитке» 2 миллион еуроға сатылған қазақстандық Нұралы Әліпке тиесілі еді.