Ақ үй АҚШ-тың Иранмен қақтығысқа жұмсаған шығынын 30 миллиард доллар деп бағалады

ИРНА агенттігінің хабарлауынша, АҚШ-тың Иранға қарсы әскери операциялар жүргізуге шамамен 30 миллиард доллар жұмсаған. Ол туралы Ақ үйдің Әкімшілік және бюджеттік басқармасының директоры Рассел Воут АҚШ Конгресі Өкілдер палатасының Қаржы бөлу жөніндегі комитетіндегі тыңдау барысында мәлімдеді, деп хабарлайды Orda.kz.        

Әскери науқанға кеткен шығындар туралы сұраққа жауап берген Воут:

«Біз шамамен 30 миллиард доллар жұмсадық», – деді

Сонымен қатар, талқылау барысында нақты шығындар 100 миллиард доллардан асуы мүмкін деген пікір айтылғанда, әкімшілік өкілі өз мәліметтері тек АҚШ Қорғаныс министрлігі ұсынған сараптамалық бағалауларға негізделгенін атап өтті.

Бұған дейін Moody’s Analytics компаниясының экономистері Дональд Трамп әкімшілігінің Иранға қатысты әскери іс-қимылдары салдарынан АҚШ-тағы әрбір үй шаруашылығына шаққанда шамамен 1000 доллар көлемінде қосымша шығын түскені жөнінде болжам жариялаған болатын.

Оқи отырыңыз:

• Иран мен АҚШ бір-біріне шабуыл жасамауға тағы да уәде берді
• Бітім жайына қалды: АҚШ пен Иран бір-біріне соққы жасады
• Қазақстан Иран портында жерді жалға алып, мұхитқа шығуды жоспарлап отыр