Болат Әбілов Әбіләзовке шүйлігіп, Тоқаевты дебатқа шақырды

Қазақстандық кәсіпкер, қоғам қайраткері, Нұрсұлтан Назарбаевтың штаттан тыс экс-кеңесшісі Болат Әбілов президент Қасым-Жомарт Тоқаевты дебатқа шақырды.

Бұл туралы саясаткер өзінің Instagram парақшасында жариялады.

Өз үндеуін Әбілов «Қазақстанның демократиялық таңдауы»* қозғалысында бірге болған Мұхтар Әбіләзовке жолдады.

– Қымбатты Мұхтар! Біз бір-бірімізді баяғыдан бері танимыз. Мен ұстамым – демократиялық күштердің қосылғаны болды. Екеуміз бұл тақырыпта талай рет сөз қозғаған болатынбыз. Бүгінгі таңда Назарбаев пен Тоқаев режиміне қарсы күресуге дайын, адамдардың бірігуіне үлкен сұраныс бар. Алайда, бұл кемсітушілік шаралары жойылмаса, сайлауға бойкот жариялау керек, бұл ұрылардың сайлауына белсенді түрде бойкот жариялау керек, – деді Әбілов.

Сонымен қатар, саясаткер ел президенті Тоқаевты дебатқа шақырды.

– Тоқаев мырзаға айтатын сөзім бар. Үркек сайлау жасамаңыз. Әйтпесе, Қазақстан тарихында 30 жылда бірде-бір рет ашық, адал, жөнді сайлау өткізбеген досыңыз, қаруласыңыз және ұстазыңыз Назарбаев сияқты қаласыз. Ережені өзгертіңіз, барлық қазақстандықтарға рұқсат етіңіз. Мен сізді  жеке дебатқа шақырамын. Әр қазақстандық кімнің кім екенін көрсін, – деп түйіндеді Әбілов.

Қазақстанның демократиялық таңдауы* – Қазақстанда экстримисттік деп танылған ұйым.