ӘЧ-2026: Майкл Олисе пас беру саны бойынша Пеленің рекордын жаңартты

Майкл Олисе, Франция ұлттық құрамасы шабуылшысы, 2026 жылғы әлем чемпионатында бразилиялық Пеле орнатқан рекордты жаңартып, футбол тарихына енді, деп хабарлайды  Orda.kz.       

Франция құрамасы турнирді Англия құрамасы қарсы қола жүлде үшін өткен матчпен аяқтап, 4:6 есебімен жеңіліс тапты.

Осы кездесуде Олисе шабуылшы Килиан Мбаппе соққан екі голға да нәтижелі пас берді. Бұл Мбаппеге әлем чемпионаты тарихындағы ең үздік шабуылшы атануға мүмкіндік берді.

Олисе турнирді жеті нәтижелі паспен аяқтады. Осылайша, ол бір әлем чемпионатындағы нәтижелі пастар саны бойынша Пеленің рекордын жаңартты. Бразилиялық аңыз бұл жетістікке 1970 жылғы әлем чемпионатында қол жеткізген болатын.

Олисенің жеті нәтижелі пасының бесеуі Мбаппеге бағытталған. Бұл — әлем чемпионаты тарихындағы бір ойыншылар жұбы үшін жаңа рекорд. Айта кетейік, Олисе 2026 жылғы әлем чемпионатында өзі гол соға алған жоқ.

Оқи отырыңыз:

• ӘЧ-2026: Мбаппе ең үздік шабуылшы атанып, Мессиден асып түсті
• ӘЧ-2026: Матчтан кейінгі саяси дау — «Фолкленд аралдары – Аргентинаға тиесілі»
• ӘЧ-2026: FIFA финал өткен алаңды бөлшектеп, сатылымға шығарды