Ақтаудағы зираттардың бірі қоқыс орнына айналды

Ақтауда қала тұрғындары қоқыс тасталған зиратқа шағымданды, деп хабарлады Orda.kz «Астана» телеарнасына сілтеме жасап.

Зиратты абаттандыруға жауап беретін компания әлі анықталмады. Күзетші Светлана Елизароваың айтуынша, ол төрт ай жалақы алмаса да, жұмысқа шығып, мүмкіндігінше ішін тәртіпке келтіруге тырысқан.

Шенеуніктер зиратты күтіп ұстауға арналған тендер наурыз айының басында өткен деп түсіндірді. Бірақ бір ғана үміткер болғандықтан ол жарамсыз деп танылды. Сондықтан тағы бір ай күтуге тура келеді.

Ал зиратты тендер қорытындысын күтпей-ақ жергілікті шенеуніктер тәртіпке келтіруге уәде берді.

– Енді коммуналдық қызметтердің көмегімен қоқыс шығарылады. Бұған дейін 6-8 рейс жасалған. Суды айдың соңында қосамыз. Зират күзетшілеріне төленбеген жалақы мәселесі шешіледі, - деді Ақтау қалалық тұрғын үй-коммуналдық шаруашылық бөлімінің коммуналдық секторының бастығы Айтау Ербөлеков.

Ақтаудағы үш зираттың тоғыз күзетшісіне жалақы бойынша қарыз бір жарым миллион теңгені құрайды. Оны мамыр айына дейін өтейді.