Ақтөбедегі шошқа фермасының қызметкерлері аштық жариялады

Ақтөбе облысында шошқа фермасының қызметкерлері аштық жариялады, деп хабарлады Orda.kz КТК телеарнасына сілтеме жасап.

Кешен жұмысының қайта басталуын талап етіп, шамамен 70 адам аштық жарялады. Наразылық кешен аумағында ұйымдастырылды. Олар облыс әкімін жедел араласуға шақырады.

Наразы топтың қалған бөлігі — 300-ден астам адам аштық акциясына қосылуға дайын екендерін мәлімдеді.

Бестамақ ауылындағы шошқа фермасының айналасындағы жанжал алты ай бұрын басталған. Ауыл тұрғындары кәсіпорын қызметіне байланысты адам төзгісіз иіске шағымданды. Арнайы комиссия кешен қызметкерлері қоқыс шығармай, қалдықтардың барлығын траншеяларға көміп тастағанын анықтады. Бірнеше шұңқырдан 190 тоннаға жуық қалдықтар табылды. Нәтижесінде шошқа фермасына қатысты 13 әкімшілік іс қозғалды. 7 млрд теңге айыппұл салынды. Сондай-ақ қылмыстық тергеу басталды. Кешен иесі үй қамақта.

Еске салсақ, қызметкерлер екі рет облыс әкімдігіне келіп, аймақ басшысымен кездесуге тырысты. Бірақ әкім наразы қызметкерлердің алдына шықпады.

Бұған дейін шошқа фермасының қызметкерлерін жол жұмысшысы ретінде қайта даярлау ұсынылған.