Жұманғарин: Азық-түлік бағасы көтерілгенін ҚҚС-қа жаба бермейік

ҚР премьер-министрінің орынбасары – ұлттық экономика министрі Серік Жұманғарин Қазақстандағы азық-түлік бағасының неден көтерілгенін түсіндірді, деп хабарлайды Orda.kz.      

Серік Жұманғарин Мәжілісте бағаның өсу себептерін былайша түсіндірді:

Біз өзімізді азық-түлікпен толық қамтамасыз етпейміз (әлеуметтік маңызы бар тауарлар бойынша 70–90% ғана), қалған бөлігі – импорт, негізінен Ресейден келеді.

Оның айтуынша:

• Әлемде азық-түлік бағасы өсіп жатыр (май, сүт, ет айтарлықтай қымбаттаған).
• Біздің фермерлер экспорттың тиімді екенін көріп, ішкі нарықтағы бағаны көтеруде.
• Сонымен қатар Ресейден «инфляция импорты» келуде – онда қаңтарда азық-түлік инфляциясы 2%, бізде 0,8%.

Министр барлық мәселені ҚҚС-тың 4%-ға көтерілуінен көру дұрыс емес екенін атап өтті. Сонымен қатар ол ең төменгі жалақы немесе зейнетақымен өмір сүретін азаматтарға атаулы әлеуметтік көмекке жүгінуге кеңес берді.

Ал салық реформасынан кейінгі  «мемлекетке деген сенімнің төмендеуі»  мәселесіне қатысты реформа «авторы» сенімсіздік билікпен диалог болмаған жағдайда қалыптасатынын, бірақ бұл біздің жағдайға қатысты емес екенін мәлімдеді.

Оқи отырыңыз:

• Әлеуметтік маңызы бар азық-түлікке цифрлық ваучер деген не?
• Оразада азық-түлік бағасы арзандайтыны рас па? Бас мүфти үндеу жасады
• Етті түсіңде көресің: Ел халқы көп тұтынатын негізгі тағамдар қымбат, үкімет шешім таба ма?