Жемқорлықпен күресте туған бауырымды да аямаймын – Жапаров

Қырғызстан президенті Садыр Жапаров жемқорлықпен өзінің туған бауыры ұсталса да аяушылық танытпайтынын жеткізді, деп хабарлайды Orda.kz.

Оның айтуынша, сыбайлас жемқорлықпен күрес ештеңеге қарамастан жалғаса береді.

«Ешкімге аяушылық болмайды. Туған бауырым болса да, аямаймын. Алайда бауырларым мен балаларым мемлекеттік қызметте жұмыс істемейді, сондықтан көңілім тыныш», – деп қосты Садыр Жапаров. 

Айта кетейік, Қырғызстан президенті «Ынтымак Ордо» резиденциясында республикалық кеңес өткізді. Ол елдің ең шалғай ауылдарындағы басшыларға дейін барлық мемлекеттік қызметшілер 2030 жылға дейінгі стратегияда белгіленген міндеттерді жүзеге асыру үшін жұмыс істеуі тиіс екенін айтқан болатын. 

Оқи отырыңыз:

• Кәсіпкер Нұрлан Смағұлов пен Айдын Рахымбаев әлемдік миллиардерлер тізіміне енді
• Жәнібек Әлімханұлы Әлем чемпионы атағынан айырылды
• Зеленский: Үшжақты келіссөздердің кезекті раунды келесі аптада өтуі мүмкін