Желтоқсандықтарды қорлаған мұғалім жұмысынан айырылды

Алматы тұрғыны Threads желісінде желтоқсан оқиғасына қатысқандарға және жалпы Қазақстанға қатысты өрескел қорлайтын сөздер жариялап, салдарынан қызметінен айырылды, деп хабарлайды Orda.kz.      

Желтоқсан туралы жарияланым астындағы пікірлерде әйел қатысушыларды «ақымақ», «мамбет», «ауылдан келгендер» деп атаған.

Сонымен қатар бұл «ұстаз»  депутат Жанбыршиннің жазбасының астына да оны қорлайтын сөздер жазған. Бұл жазбалар желіде тез тарап, қоғамда үлкен наразылық тудырды.

Бұған ыза болған қазақстандықтар жаппай мемлекеттік органдарға жүгініп, әйелдің сөздерін Қылмыстық кодекстің 174-бабы (ұлтаралық араздықты қоздыру) бойынша тексеруді талап етті.

Ақылды «ұстаздың» жазбасы желіде жарияланған мына видеоға қатысты еді:

Сонымен қатар, желі қолданушылары оның жұмыс істеген компаниясына да теріс пікірлер қалдыра бастады. Соның салдарынан ұйымның 2GIS-тегі рейтингі бір тәуліктің ішінде күрт төмендеп кеткен.

Нәтижесінде әйел жұмыстан шығарылды, ал полиция әзірге бұл жағдайға қатысты түсініктеме бере қойған жоқ.

Оқи отырыңыз:

• Желтоқсан оқиғасына қатысушылардың біржолғы төлемдері көбейді
• Ұмытпаймыз, кешірмейміз: Алматыда Тәуелсіздік күні қалай өтті
• Желтоқсан құрбаны Ләззат Асанова жерленген қорым суға батуда