Желтоқсан құрбаны Ләззат Асанова жерленген қорым суға батуда
Алматы облысы Панфилов ауданына қарасты Ақжазық ауылындағы қорымды су шайып жатыр. Зираттардың көбі бүлініп, топырағы опырылып ортасына түскен.
Тіпті кейбірінің ақымы үңірейіп, бейіт басында сүйектер шашылып жатыр, деп хабарлады 31 арнаның Информбюро ақпараттық бағдарламасы.
Ауыл тұрғындары зираттарды сақтап қалу үшін ағашпен қалқалап әуре. Кейбірі ақша жинап, бөгет те тұрғызған. Бірақ, ол тасқын селге шыдас бермепті. Амалы таусылған тұрғындар жергілікті биліктен көмек сұрауда.
— Бейітке 30 метр жақын жерде канал бар, соған жазда су келеді. Су шетінен шайып, каналды құлатып бітті. Тауға жауын қатты жауғанда сел басады да, су арнаға сыймай, бейіттің ішін аралап кетіп жатыр, – дейді Ақжазық ауылының тұрғыны Ердос Бердаев.
Ақжазық ауылының әкімі тұрғындар көтерген мәселені растағанымен, өз бетінше қорымды сақтап қалу қолынан келмейтінін мойындады.
— 500 миллион ба, 1 миллиард па – көп қаражат керек. Үлкен бөгет жасамаса, келешекте бейітті су шайып кетеді. Бұл жерде ата-балаларымыз жатыр, – дейді Көктал ауылдық округінің әкімі Бақыт Нұрелов.
Бұл зиратта 1986 жылы желтоқсан оқиғасының құрбаны Ләззат Асанова да жерленген. Әзірге оның бейіті аман. Алайда, тез арада ауыл әкімі айтқан бөгет жасалмаса, Ақжазық ауылындағы зираттар түгел жойылып кетуі мүмкін.
Бұл мәселені Алматы облысының әкімі Қанат Бозымбаевқа да жеткіздік. Өңір басшысы жағдайды назарға алуға уәде етті, деп хабарлады арна тілшілері.
Жаңалықтар
- Грузия парламентінде шетелдік агенттер туралы заңға қатысты төбелес болды
- Оңтүстік Корея Қазақстанның ұшқышсыз ұшақтар шығаратын орталыққа айналуына көмектеседі
- Шымкент мешіттерінің біріндегі намаз төбелеске ұласты
- Жыл басынан бері Қазақстанға төрт миллионнан астам шетелдік келген
- Қазақстан шетелдіктер үшін жаңа виза енгізбекші
- Бишімбаев үкімге шағымданады
- Жоғарғы сот депутат Дәулет Тұрлыхановтың ұлын жазалады
- Шымкентте 11-сынып оқушысы өз-өзіне қол жұмсады
- Алматыда автобус жүргізушісіне пышақпен шабуыл жасалды
- Қарағанды облысында шенеуніктер балалар жатақханасын иемденіп алған
- Жоғарғы сот депутат Тұрлыхановтың ұлының үкімін қайта қарайды
- Санкт-Петерборда суға батып кеткен автобустан адамдарды құтқаруға атсалысқан қазақстандық азамат марапатталды
- Қостанайда кәріз құдықтарының қақпақтарын ұрлағандар ұсталды
- Қызыл кітапқа енген қарақұйрықты атқан браконьер сотталды
- «Атамекен» Кәсіпкерлер палатасының бұрынғы басшысы Абылай Мырзахметов алаяқтық жасағаны үшін бес жылға сотталды
- Өскеменде айғақтарды бұрмалаған полицей сотталды
- Бішкек шенеуніктері автобуспен жүретін болады
- Атырау облысы, Талдыкөл ауылында халықты эвакуациялау басталды
- Кеңсе пышағымен адам бауыздамақшы болды: сот үкім шығарды
- Павлодар облысында педофил ұзақ мерзімге бас бостандығынан айырылды