Жақын арада Қазақстаннан Түркияға жаңа әуе рейстері қосылады

Астанадан Газипашаға - Анталия провинциясындағы қалаға тікелей ұшуларды қазақстандық FlyArystan лоукостері іске қосады, деп хабарлайды Orda.kz авиакомпанияның баспасөз қызметіне сілтеме жасай отырып.

Газипаша қаласы Түркияның оңтүстігінде Аланьядан 46 шақырым жерде орналасқан. Оның әуежайына тікелей рейстер Махмутлар, Кестель, Оба, Авсаллар және Қонақлы сияқты танымал курорттарға бару уақытын айтарлықтай қысқартады.

Ұшулар аптасына екі рет - сәрсенбі және жұма күндері - 28 мамырдан 29 тамызға дейін орындалады. Билет құнына 20 келі жүк, бес келі қол жүгі және бортта берілетін ыстық тамақ кіреді.

Бұған дейін «Орда» SCAT авиакомпаниясы таяу арада Шымкент - Сеул рейсін іске қосатынын жазған болатын.

2023 жылы ағаш рет  Қазақстаннан Пәкістанға жолаушылар рейсі ашылды.

Биыл қазақстандық және шетелдік авиакомпаниялар ондаған жаңа халықаралық рейстерді іске қосып, 28 елге 121 авиамаршрут, аптасына 660 рейс ашып, Қазақстанның халықаралық авиатасымалдарының көкжиегі кеңейе түсті.