Путин Ресей жағының Зеленскийдің «құзыреттілігіне» күмән келтіргеніне қарамастан кездесуге дайын

Путин бітімгерлік келіссөздер барысында Зеленскиймен кездессе не айтатынын білетінін айтты , деп хабарлайды Orda.kz.       

Владимир Путин Ресей тарабы Владимир Зеленскийдің құзыреттілігіне күмән келтіргеніне қарамастан, онымен келісімге қол қою мүмкіндігін жоққа шығармайтынын меңзеді.

Ресей президентінің айтуынша, ол Украинамен бейбіт келісімге «осы сөздің толық мағынасында сөзсіз заңды өкілеттігі бар адамдармен» қол қоюға дайын.

«Бұнда көптеген нұсқа бар — Украина Жоғарғы Радасы төрағасы немесе  Зеленскийдің өзі де болуы мүмкін. Ең бастысы — ниет болса болғаны, ал біз оны қалай рәсімдеу керектігінің жолын табамыз», — деді Ресей басшысы. 

«Сайлау бәрібір өте ме, жоқ па? Қазір бұл туралы ешкім айтып та, ойлап та жатқан жоқ», — деп қосты Путин. 

3 маусымда Владимир Зеленский АҚШ-тан Ресеймен соғысты аяқтауға көмек күтетінін, сонымен қатар   Ресей президентімен кездесуге дайын екенін айтты.  Бұл туралы ол Киевте өткен Украина–НАТО кеңесінің отырысынан кейін Марк Рюттемен бірлескен брифингінде мәлімдеді.

Оқи отырыңыз:

• Зеленский Путинмен тікелей келіссөздерге дайын екенін айтты
• Зеленский: Украина Таяу Шығыс елдерімен бірге ұшқышсыз ұшатын аппарат шығарады
• Зеленский бейбітшілік жоспарының 20 тармағын атады