Путин Астанада өтетін Еуразиялық экономикалық форумға қатысады

Ресей президенті Владимир Путин Қазақстанға мемлекеттік сапармен келді. Президент Қасым-Жомарт Тоқаев мәртебелі мейманды елорда әуежайында қарсы алды, деп хабарлайды  Orda.kz.       
 

Еліміздің шекарасына енген сәттен Астана әуежайына қонғанға дейін Ресей президентінің бортына Қазақстан Республикасы Әуе қорғанысы күштерінің ұшақтары қапталдаса ұшып құрмет көрсетті.
 
Ұшақ трапының алдында Құрмет қарауылы ротасы сап түзеді. Владимир Путин мен ресми делегация мүшелеріне екі елдің жалаушаларын ұстаған балалар, Махамбет Өтемісов атындағы Оқушылар сарайының барабаншылары қошемет көрсетті.

 
 
Одан кейін Қазақстан мен Ресей туларын желбіреткен тікұшақтар алаң үстімен ұшып өтті.

Әуежай терминалында әл-Фараби атындағы Оқушылар сарайының домбырашылар ансамблі және сырнайшы, халықаралық конкурстардың лауреаты Радмир Хайбуллин Ресей мемлекеті басшысының құрметіне Құрманғазы күйлері мен орыс халық әуендерінен попурри орындады.

Ресей Федерациясының президенті Владимир Путиннің Қазақстанға мемлекеттік сапары басталды.
 
Ертең жоғары деңгейде келіссөздер жүргізіліп, екіжақты құжаттарға қол қойылады, осыған орай  27-29 мамыр күндері Ресей президенті Қазақстанда болады. Путиннің келудегі мақсаты, 28 мамырда Еуразиялық экономикалық одаққа мүше мемлекеттер басшыларының  Еуразиялық экономикалық форумына қатысу.

Жоғары Еуразиялық кеңес отырысы 29 мамырда болады.

Оқи отырыңыз:

• Әлем көшбасшылары Тоқаевты Құрбан айтпен құттықтады
• Тоқаев МАГАТЭ басшысына Иранның ядролық бағдарламасына қатысты мәселенің шешілуіне атсалысуға дайын екенін растады
• Тоқаев Таяу Шығыстағы жағдайды ушықтырмауға шақырды