Заңсыз мұнай өңдеу зауыты: Шекарадағы жер асты жолы арқылы 37 миллиард теңгенің контрабандасы шетел асқан

Жыл басынан бері Қазақстанда жанар-жағармай материалдарын елден тыс жерге заңсыз шығарудың 712 әрекетінің жолы кесілді, деп хабарлайды Orda.kz.        

Мұнай өнімдерінің заңсыз айналымы мен контрабандасы бойынша сегіз сотқа дейінгі тергеу басталанын Қаржылық мониторинг агенттігі мәлімдеді.

Қаржылық мониторинг агенттігінде Маңғыстау облысында заңсыз шағын мұнай өңдеу зауыты анықталғанын мәлімдеді. Ведомствоның мәліметінше, 2022 жылдан бері кәсіпорын 28,5 мың тоннадан астам есепке алынбаған мұнайды өңдеген, ал дайын өнімді күдіктілер мазут ретінде көрсетіп, шетелге шығарған.

Түркістан облысында тергеу деректеріне сәйкес, мемлекеттік шекара астымен арнайы жабдықталған тоннель арқылы Өзбекстанға бензинді заңсыз шығаруды ұйымдастырған трансұлттық қылмыстық топ әшкереленді. Сот топ мүшелерін кінәлі деп танып, оларды ұзақ мерзімге бас бостандығынан айырды.

Сонымен қатар, Қаржылық мониторинг агенттігі АИ-92 маркалы бензинді Қырғызстанға заңсыз шығарумен айналысқан тағы бір топқа қатысты тергеуді аяқтады. Агенттік мәліметінше, заңсыз экспортталған отынның жалпы көлемі 190 мың тоннадан асып, оның құны 37 млрд теңге болған.

«Кезекті тасымалдау әрекеті кезінде «Түрксіб» станциясында көлемі шамамен 500 тонна болатын заңсыз бензин тиелген сегіз теміржол цистернасы ұсталды. Құны 138 млн теңге болатын тәркіленген бензин мемлекет кірісіне өткізілді»,  деп хабарлады агенттік. 

Бұған дейін полиция соңғы екі айда Қазақстаннан заңсыз шығарылмақ болған шамамен 17 тонна отынды қолға түсіргенін хабарлаған еді. Осы кезеңде жанармай бактары қайта жабдықталған 87 автокөлік анықталып, олардың иелері айыппұлға тартылды.

Оқи отырыңыз:

• ҚМА: 78 жәбірленуші қаржы пирамидасына 110 млн теңге салған
• ҚМА төрағасы президентке қылмыстық табысқа қарсы күрестегі атқарылған жұмыстарды баяндады
• Елдегі экономикалық қылмыс жасағандар «масқара тақтасына» ілінеді